Dejan Drazic convértese en novo xogador do Celta a falta do recoñecemento médico

O prometedor extremo Dejan Drazic (1995, Serbia) será xogador do RC Celta as próximas 5 tempadas a expensas de superar o pertinente recoñecemento médico. Xoven e polivalente, o futbolista chega a Vigo procedente do OFK Beograd, conxunto co que destacou na primeira división de Serbia. Internacional coa selección Sub-20 do seu país, Drazic proclamouse campión do Mundial 2015 da categoría. Con esta fichaxe o RC Celta faise con outro xogador de enorme proxección e reafirma a súa aposta por un proxecto deportivo de presente e futuro.