David Costas seguirá como celeste até 2019

Renovación de David Costas

O defensa David Costas será celeste até o ano 2019 tras selarse a súa ampliación de contrato co RC Celta. O canteirán xogará esta tempada cedido no RCD Mallorca da Segunda División española tras o acordo alcanzado polas partes.

“Son un xogador novo. É difícil irse de casa pero necesítoo para madurar, facerme futbolista e regresar ao Celta con partidos ás miñas costas”, asegurou David Costas tras asinar a súa renovación. O canteirán mostrouse satisfeito polo seu novo destino, “un club histórico e serio”, e “contento por seguir pertencendo ao Celta”.

O RC Celta deséxalle o maior dos éxitos durante a súa etapa no conxunto bermellón.