As competicións en pista e en ruta mestúranse para a Sociedade Ximnástica

Fin de semana decisivo para o atletismo nacional xa que será a última oportunidade de conseguir a mínima para o Mundial de Pequín. Os atletas da Sociedade Ximnástica, teñen moi difícil o lograla, pero algúns deles aproveitaranse das últimas competicións para terminar a súa tempada con bo sabor de boca. Este sábado no Centro de Alto Rendemento en Sierra Nevada, estarán Lysvanys Pérez e Eduardo Gallardo.

Nos últimos anos o mes de agosto está a medrar en número de carreiras populares pola xeografía galega, unha das novas incorporacións é a nocturna de Vilagarcía de Arousa, mañá sábado pola noite e que reunirá a un nutrido grupo de atletas.

Pero esta tarde en Cambados, teremos unha das que leva moitos veráns celebrándose, a Milla e dobre milla de Cambados, que disputa a súa vixésimo primeira edición, tan nova como sempre e na que estará boa parte do medio fondo galego.