A Aula CeMIT de Ames supera os 1.000 usuarios

A Aula CeMIT de Ames, situada na Casa da Cultura de Bertamiráns, xa supera os 1.000 usuarios/as. Concretamente nestes intres suma un total de 1.020 usuarios/as. Cómpre lembrar que este servizo púxose en funcionamento no ano 2011. No pasado mes de xullo a Xunta de Galicia, a través do AMTEGA, renovou os 15 equipos informáticos cos que conta esta aula. Ademais, en xullo o CeMIT de Ames impartiu 3 actividades de capacitación dixital nas que se formou a máis de 40 persoas e tamén se rexistraron máis de 200 usos do servizo de aula aberta. Durante o mes de agosto o centro seguirá aberto ofrecendo cursos para os máis pequenos.

Este servizo está tendo unha gran demanda entre a veciñanza amesá, tal e como o demostra a participación dos veciños e veciñas de Ames en distintos cursos e obradoiros de alfabetización dixital que organiza esta aula de informática. Dende que se puxo a funcionar este servizo xa se levan rexistrado máis de 1.000 usuarios/as na Aula CeMIT de Ames. Concretamente nestes intres suma un total de 1.020 usuarios/as.

Ademais, no pasado mes de xullo a Xunta de Galicia, a través do AMTEGA, renovou os  15 equipos informáticos desta aula debido á antigüidade dos vellos computadores e pola elevada actividade que ten a devandita Aula. Os novos equipos son ordenadores HP de sobremesa, con 8 GB de RAM, procesador i5, e 64 bits. Estes ordenadores dispoñen do sistema operativo Windows7 Professional.

No mes de xullo o CeMIT de Ames impartiu 3 cursos, dous dirixidos aos menores de idade de mecanografía e outro para adultos no que se deron a coñecer novas ferramentas para traballar de forma conxunta na rede. Ademais das actividades formativas, na aula rexistráronse un total de 216 usos de aula aberta, servizo que se utiliza para o uso libre do equipamento, repaso dos contidos dos cursos e para a consulta de diversos temas sobre o uso cotiá das novas tecnoloxías. Asemade, no pasado mes inscribíronse 20 novos/as usuarios/as, polo que actualmente hai 1.020 persoas rexistradas no CeMIT de Ames.

Cursos para o mes de agosto

Durante o mes de agosto o centro seguirá aberto ofrecendo cursos para os máis pequenos e servizo de aula aberta de luns a venres, en horario de 9:30 a 13:30 h e de 16:30 a 20:30 horas. Deste xeito, vaise impartir un curso de iniciación a Scratch. Nesta actividade os máis pequenos iniciaranse no mundo da programación utilizando un programa fácil e divertido que fomenta o uso do pensamento lóxico para a resolución de problemas. Este curso levarase a cabo osluns e mércores ata o 26 de agosto, en horariode 10:00 a 11:00 horas. Esta actividade está dirixida a nenos/as de 8 a 10 anos.

Ademais, vaise impartir un obradoiro de mecanografía no que terán prioridade os/as nenos/as que realizaron algún dos cursos de mecanografía de xullo, nel repasaranse diferentes aspectos deste curso e aumentaranse as pulsacións acadadas utilizando o programa Ktouch e escribindo pequenos contos no LibreOffice Writer. Esta actividade vaise impartirse ata o 26de agosto, todos os luns e mércores, de12:00 a 13:00 horas. 

Por último, vaise impartir un curso de videomontaxe básico. Nesta actividade utilizarase o programa de software libre Openshot para crear pequenas videomontaxes. Realizarase ata o 20 de agosto, todos os martes e xoves, de 12:00 a 13:00horas, e está dirixida a nenos/as de 11 a 13 anos. 

Para inscribirse ou para solicitar máis información sobre as citadas actividades poden dirixirse á Aula CeMIT de Ames sita na Praza de Chavián s/n (Casa da Cultura), chamando o número de teléfono 662371511 a través da páxina web http://cemit.xunta.es ou enviando un correo electrónico á seguinte dirección: cemit.ames@xunta.es