Un home sofre queimaduras por un incendio na súa vivenda na Coruña

Os servizos sanitarios de urxencia trasladaron este martes a un home que resultou ferido por mor dun incendio declarado no interior da súa vivenda na Coruña. Segundo informaron os bombeiros da Coruña e o 112, o lume ocasionouse nunha vivenda situada na Rúa Manuel Azaña, en torno ás 11,30 horas e foi un particular o que deu a voz de alerta para pedir axuda.

O lume afectou a unha habitación que se estaba pintando -na que se orixinou o lume- e a un baño continuo. Un dos ocupantes da vivenda, un home de 38 anos, sufriu queimaduras, sobre todo de cintura para abaixo, e foi trasladado ao Chuac nunha ambulancia de Urxencias Médicas.

Ademais dos técnicos do servizo sanitario de urxencias, o persoal do 112 avisou aos bombeiros da Coruña e á Policía local.