Remate das obras de pavimentación de Sabarigo para comezar as de Cabalo

Mañá prevese que estean rematadas as obras de pavimentación do vial de Sabarigo, do que se está encargando a empresa Fontefría. Así informou a empresa ao alcalde buenense durante a visita que este, acompañado de Silvia Carballo e do aparellador municipal, fixeron ás obras que avanzan a bo ritmo.

Tras o remate deste vial, a empresa ten previsto pasar a asfaltar varios tramos de Cabalo, en Beluso. As obras están pactadas cun orzamento común de 94.501 euros, e enmárcase no PPOS 2015 da Deputación de Pontevedra e que se destina á rehabilitación en firme de varios camiños municipais de Cela e Beluso que se atopan en mal estado.