Poio recibiu un total de 1.230 visitantes no mes de xuño

A Concellaría de Turismo do Concello de Poio informa sobre o volume de visitantes rexistrados nas oficinas de turismo municipais durante o mes de xuño. O pasado mes de xuño as dúas oficinas de turismo municipais situadas nas parroquias de San Salvador e Combarro rexistraron un total de 1.230 visitantes dos que un 86% foron de procedencia nacional e un 14% estranxeiros. Estes datos reflicten o incremento de visitantes con procedencia estranxeira, xa que o pasado ano, a porcentaxe de turistas estranxeiros foi dun 10%.

De entre os turistas nacionais destacaron os procedentes de Madrid (25,49%), Asturias (14,90%), País Vasco (12,95%), Castela e León (10,22%). En relación ós visitantes internacionais destacaron nesta primeira quincena, os turistas procedentes de Reino Unido (33,40%), Francia (16,20%), Bélxica (13,27%) e Arxentina (7,08%).

En canto o perfil do turista que visitou o Concello, xeralmente foron familias que se aloxaron durante cinco ou menos días e viaxaron en coche particular (máis do 80%). De entre os motivos para elixir o noso municipio destacaron a singularidade de Combarro, a gastronomía, o Mosteiro de San Xoán de Poio e a boa situación xeográfica cercana a outros puntos de interese das Rías Baixas.