O tráfico entre Vigo e Saint Nazaire medrou máis dun 40% no primeiro semestre do ano

O tráfico de mercadorías entre os portos de Vigo e Saint Nazaire creceu máis dun 40% ao longo do primeiro semestre do ano, en comparación co mesmo período do exercicio anterior. Así o asegurou esta mañá, en rolda de prensa, o Presidente da Autoridade Portuaria de Vigo, Ignacio López-Chaves, na que analizou a “boa marcha” desta liña, o que demostra que “era necesaria”.

Segundo argumentou o máximo responsable portuario, “hai pé de carga suficiente”, aínda que “esperamos que se vexa incrementado nos próximos meses”. Para López-Chaves, trátase dun dato “moi bo” xa que, durante o primeiros seis meses de 2015, movéronse un total de 231.359 toneladas entre Vigo e Saint Nazaire, consecuencia do incremento de movementos de remolques (+26%), automóbiles (+57%), granito en bruto (+132%), maquinaria (+30%) e lousa (357%). Un aumento que cualificou de “importante” e consecuencia do “apoio” do Ministerio de Fomento e da titular desta carteira, Ana Pastor, cuxa xestión fixo posible que, desde o pasado mes de xaneiro, incrementáronse as frecuencias entre ambos os destinos.

Este aumento das frecuencias, explicou, é unha “garantía” para os cargadores que atopan no transporte marítimo un “complemento” ao transporte por estrada. Un servizo regular, frecuente, fiable, áxil, eficaz e economicamente competitivo que permite, dunha maneira máis económica e ecolóxica, colocar mercadorías no corazón de Francia con destino a este país ou outros de Europa. 

Non en balde, “en Vigo levamos preto de 40 anos potenciando o Short Sea Shipping”, lembrou o Presidente portuario, xa que este modo de transporte beneficia os intercambios comerciais, cunha importante redución de custos e incremento da produtividade, reducindo as emisións de CO2 e, por tanto, a conxestión das estradas. Así mesmo -destacou- o transporte marítimo permite a mellora das condicións de traballo dos condutores, evitando longos períodos de condución e restricións ao tráfico, incrementando as actividades económicas locais.

Unha infraestrutura loxística de primeiro nivel europeo que foi posible grazas ao respaldo do Goberno de España, da Ministra Ana Pastor, e da naviera que explota este servizo, Suardíaz, á que López-Chaves quixo agradecer a súa “aposta” por esta liña, ademais de garantir o mantemento das saídas no período estival que, por primeira vez nos últimos anos, manterá en funcionamento o servizo de liña regular entre os portos de Vigo e Saint Nazaire durante os meses de verán.