O Rio Natura Monbus presentarase en Sar o 4 de outubro ante o FC Porto

O Rio Natura Monbus Obradoiro xogará o partido de presentación ante o seu público o domingo 4 de outubro, ás 19:00 horas, co histórico FC Porto como rival. O conxunto luso, que adestra o adestrador galego Moncho López, acaba de regresar á elite do baloncesto portugúes, onde tratará de reeditar éxitos como o seu once ligas nacionais ou as súas doce Copas de Portugal.

O partido, I Torneo Fundación Heracles, será o primeiro e único de pretemporada que o equipo dispute en Santiago de Compostela, e enmarcarase dentro dos actos cos que o club celebrará o seu XLV Aniversario, que se cumpre o próximo 6  de outubro.

As entradas teñen un prezo único de 5 euros para abonados, accionistas, Amigos da Fundación Heracles ou menores de idade e 12 euros para non abonados e pódense comprar xa tanto na páxina web do club como nas oficinas (dirección e horario).