publicidade hoxe

O proxecto “Costa dos Castros” promove o turismo de Oia

PUBLICADO EN: Noticias de GaliciaOia
A-
A+

O Consello Superior de Investigacións Científicas (CSIC), a través do Instituto de Ciencias do Patrimonio (Incipit), participa no proxecto “Costa dos Castros”, cuxo obxectivo é promover o turismo no concello de Oia (Pontevedra), mediante a xestión do patrimonio arqueolóxico e natural da zona.

Ademais do CSIC, o proxecto conta coa participación de catro Comunidades de Montes, do Concello de Oia, das asociacións ACAMO e ANABAM e dos hostaleiros locais.

Por unha banda, realizaranse intervencións arqueolóxicas nalgúns xacementos da zona e, por outra banda, celebraranse actividades de divulgación e accións dirixidas a pór en valor o patrimonio natural e paisaxístico de Oia.

O proxecto contempla a posta en marcha dunha páxina web que albergará os principais resultados desta iniciativa.

8 de xullo de 2015 | 10:53 • Sen comentarios

Comentarios pechados.