O Premio Ermelo será concedido ao historiador buenense Arturo Sánchez Cidrás

Aproveitando a festividade do Santiago Apóstolo, este venres e sábado, celebraranse as II Xornadas de Ermelo, cerne do Morrazo. Así, o venres no adro e na igrexa de Ermelo haberá diversos actos. Ás 19 horas o alcalde fará unha presentación das xornadas,acompañado de música de violoncello e violín. A continuación darase paso, en torno ás 19:10 horas, ás conferencias por parte de Calixto Escariz Vázquez que falará de “Os montes veciñais en mancomún. Unha propiedade colectiva”, e de Manuel Uxío que presentará  “O mosteiro de Ermelo na orixe e desenvolvemento da fregesía de Moaña”. Rematará o venres coa entrega dos premios Ermelo, Cerne do Morrazo á alcaldesa de Moaña, Leticia Santos, e ao alcalde de Cangas, Xosé Manuel Pazos, ademais de ao alcalde de Bueu, Félix Juncal.

O sábado, día de Santiago, comezará ás 9 horas coa Ruta dos Frades (desde os Muíños de Trasouto ata Ermelo), para ás 12 entregar o Premio Ermelo a Arturo Sánchez Cidrás.

Ás 12.50 clausuraranse estas xornadas por parte de Félix Juncal e ás 14 horas actuarán diferentes grupos de música tradicional.