O Grupo de Teatro das Mulleres de Mos presenta no Multiusos ‘As ghaliñas de Mos!’

A concelleira de Cultura e Política Social, Sara Cebreiro, informou hoxe da vindeira celebración da nova función do Grupo de Teatro das Mulleres de Mos. A obra titúlase ‘As ghaliñas de Mos!’ e interpretarana o próximo venres, día 10 de xullo, ás 21.00 horas no auditorio do Multiusos das Pozas, parroquia de Petelos.

‘As ghaliñas de Mos!’ é unha comedia coa que calquer mosense pode sentirse identificado. Unha historia creada e contada polo propio Grupo de Teatro das Mulleres de Mos que trasladará a todo o público asistente a un día de festa onde non faltarán as risas, as lembranzas do pasado, o amor, os cotilleos, as ‘ghaliñas’ e os ‘ghuevos’.