O CSIC celebra un ciclo de seminarios en Pontevedra

O Consello Superior de Investigacións Científicas (CSIC), a través da Misión Biolóxica de Galicia (MBG), celebrará durante os próximos meses un ciclo de seminarios de periodicidade mensual na sede do citado centro en Pontevedra ao redor de temáticas relacionadas coas Ciencias Agrarias e dirixido ao público interesado na materia, de entrada libre sen previa reserva até completar aforamento.

Os seminarios estarán impartidos tanto por científicos internacionais que colaboran co seis grupos de investigación da MBG ao redor de temáticas relacionadas cos cultivos de leguminosas, as brásicas e o millo, a viticultura e os recursos forestais, como por persoal da MBG que realizou estancias de investigación recentemente no estranxeiro. 

O primeiro terá lugar o mércores, 8 de xullo, ás 10.00 horas no Pazo de Gandarón (Salcedo), sede da MBG. Sergio Rasmann, da Universidade de Neuchatel (Suíza), impartirá o relatorio “Interaccións tróficas mediadas químicamente nos ecosistemas agrícolas e forestais”, onde explicará os compostos químicos que interveñen na comunicación que se establece entre os depredadores e os hóspedes nos ecosistemas agrícolas e forestais.