O Concello de Santiago homenaxeou a Camilo Díaz Baliño e a Isaac Díaz Pardo

Noriega nos actos de homenaxe

O alcalde de Santiago, Martiño Noriega, presidiu o acto de homenaxe en lembranza de Camilo Díaz Baliño e do seu fillo, Isaac Díaz Pardo, con motivo do Día Nacional de Galicia. No número 37 da rúa das Hortas, onde nacera e pasara boa parte da súa infancia Isaac Díaz Pardo, o alcalde descubriu unha placa en lembranza do intelectual galeguista, artista e editor falecido en 2012, e tamén do seu pai, Camilo Díaz Baliño, fusilado en 1936.