O Concello de Bueu estrea os monicreques de verán e o cine na praza Massó

A vila de Bueu xa comeza a brillar con luz turística, con moitas caras novas polas rúas que se suman aos buenenses que comezan as súas vacacións. E o Concello, moi consciente da influencia do verán, comeza hoxe a temporada de monicreques de verán na Praza Massó coa “Caixiña máxica” da compañía A fanfarra de títeres, que se organiza todos os martes ás 21 horas. Ademais, o 21 de xullo será a quenda da viravolta “O horroroso crime de Xan Miñoca”, o 28 de de Titirimaña “Carmiña Brañolas e as tarrañolas máxicas”, o 4 de agosto cachirulo “A figueira do demo” e o 11 de agosto a viravolta “Barriga verde”.

Pola súa banda, mañá mércores será a quenda do cine na rúa. Nesta primeira sesión, a obra “Mi vecino totoro” será a encargada de inaugurar este ciclo, que terá lugar todos os mércores a partir das 22.30 horas e na que xa se ten pechado tamén o título do 22 coa película “Big Hero 6”.

No caso de mal tempo, as actividades trasladaranse ao Centro Social do Mar.