O alcalde de Ourense convocará aos portavoces para informarlles das xestións nas diferentes administracións para impulsar proxectos estratéxicos da cidade

O alcalde de Ourense, Jesús Vázquez convocará nos próximos días aos portavoces dos grupos municipais para informarlles dos resultados das xuntanzas recentemente mantidas coas diferentes administracións para impulsar proxectos estratéxicos para a cidade.

Así o anunciou o portavoz do goberno municipal, Francisco González, quen subliñou que o grupo de goberno aposta pola transparencia en relación ás xestións que realiza para poñer en marcha a cidade e desbloquear proxectos que por diferentes motivos non sairan ata agora adiante.

Entre eles, mencionou, hai “proxectos novos, propios do actual goberno municipal”, como as obras que se pretende realizar de mellora da Ponte de Tarascón ou do acceso a Barrocás desde a rúa ramón Puga, a mellora de infraestruturas deportivas ou o novo albergue de peregrinos, como outros que veñen de atrás como os do Museo Arqueolóxico, a reforma da Praza de Abastos nº 1, entre outros, como o transporte metropolitano que, destacou, “é un proxecto que beneficia a todos: tanto á cidade como aos concellos limítrofes”.