Máis de 500 mascotas do refuxio de Mougá atoparon un novo fogar desde 2013

Refuxio de Mougá

O Refuxio de Mougá, o centro de acollida de animais abandonados da comarca de Ferrolterra, tramitou mais de 537 adopcións de mascotas entre o segundo semestre do 2013 e a primeira metade do 2015 entre os mais de 1.407 animais que pasaron polas instalacións desta canceira.

O refuxio de animais de Mougá abriu as súas portas no 2009 e pasou a mans da Mancomunidade de municipios da ría de Ferrol o 4 de xullo do 2013. A Mancomunidade está integrada por nove concellos -Narón, Neda, Fene, Mugardos, Ares, Cabanas, Valdoviño, Cedeira e Ferrol- cunha poboación que suma 160.000 veciños. Desde esa data, Mougá fíxose cargo do servizo de lacería e recollida de animais abandonados na contorna da ría.