Enrique Salvador preséntase como novo xefe territorial de Medio Rural e do Mar na provincia da Coruña

Belén do Campo presenta a Enrique Salvador

A delegada territorial da Xunta na Coruña, Belén do Campo, presentou esta mañá o novo xefe territorial da Consellería de Medio Rural e do Mar na Coruña, Enrique Salvador, tras o seu recente nomeamento. O novo xefe territorial releva no cargo a Antonio Aguión.

Salvador reuniuse esta mañá cos xefes de servizo da súa área, aos que lles trasladou a súa intención de establecer a máxima coordinación na xestión do seu ámbito e na resolución dos problemas.

Enrique Salvador é Enxeñeiro Superior de Montes e funcionario de carreira da administración autonómica desde 1989. Xa desempeñara o cargo de xefe territorial desta área entre os anos 2009 e 2011. Entre 2011 e 2015 estivo ao fronte da Concellería de Medio Ambiente no Concello da Coruña.