Clausúrase o III Campus Fútbol-Verán Concello de Ordes

Clausura do campus de fútbol

Esta mañá clausurouse a segunda e última quenda do III Campus Fútbol-Verán Concello de Ordes. Unha iniciativa desenvolvida pola S. D. Club Órdenes en colaboración coa Concellería de Deporte do Concello de Ordes. A través desta preténdese darlle a posibilidade aos nenos e as nenas amantes deste deporte a mellorar o seu nivel de xogo e a optimizar o seu rendemento dentro do campo. Neste último día cada un dos máis de corenta participantes recibiron o seu diploma de mans dos concelleiros de Deporte e Mocidade, e de Educación, Benestar Social e Traballo; Luis Caamaño Fraga e Susana García Gómez, respectivamente.