Bueu celebra a Semana do Folclore con tres festivais de música tradicional

Bueu celebra a Semana do Folclore 2015 do 23 ao 25 de xullo, con tres festivais de música tradicional que terán lugar na Praza Massó. O xoves, o Grupo Etnográfico da Boa Nova de Funchal, da Illa de Madeira, a Achterhookse Folkloredansers, da localidade holandesa de Ruurlo, e Trebeda de Marín serán os protagonistas do Festival Internacional de Folclore no que compartirán a súa música e baile a partir das 22 horas.

O venres 24 de xullo será a quenda do Festival de baile tradicional Recordos, organizado pola Asociación Cultural Recordos da Nosa Terra, e no que estarán acompañados da Agrupación O Trevo, de Meis, e da Asociación Os Chaneiros, de Marín.

Por último, o sábado péchase esta semana folclórica co XXI Festival Alborada no que a partir das 22 horas tocarán a Banda de Gaitas Manxadoira, de Bueu e Pelica de Can.