Atopan nunha praia viguesa unha nutria morta

Axentes da unidade ambiental da Policía Local de Vigo localizaron a unha nutria morta na praia de Roade, na parroquia viguesa de Alcabre. Segundo informou a Policía Local, o animal foi achado sobre as 12,40 horas por unha patrulla ambiental, sen que se puideron determinar de momento as causas que lle puideron producir a morte.

Tras o achado, os axentes tomaron as medidas oportunas para a recollida e posterior necropsia do animal. A pasada semana, axentes da Policía Local de Vigo rescataron outro exemplar de nutria que se atopaba ferido na praia de Mourisca, tamén en Alcabre, onde se golpeou contra unhas rocas.

O animal, un exemplar adulto, estaba escondido baixo un paseo de madeira e foi rescatado polos axentes, que comprobaron que presentaba lesións nun ollo e sangue na zona externa da boca. A nutria que, aparentemente carecía de dispositivo de identificación, foi trasladada a un centro de recuperación de fauna.