Ábrese o prazo de inscrición na Aula de Música de Bueu

Durante todo o mes de xullo estará aberto o prazo de inscrición para participar na Aula de Música do Concello de Bueu que comeza o vindeiro setembro. Os interesados poderán achegarse ao servizo de Cultura de 9.30 a 13.30 horas e poderán anotarse en varias modalidades, tales como música activa (de 4 a 6 anos), canto e técnica vocal, solfexo e piano

En setembro tamén se abre un prazo de inscrición na Casa da Música Manuel Omil, os luns, martes e xoves de 16.30 a 20.30 horas. O custe é de 5 euros ao mes por modalidade. As clases que se ofertan son de música activa (de 4 a 6 anos), canto e técnica vocal, solfexo e piano.

Os modelos de solicitudes están dispoñibles na páxina web do Concello e no Departamento de Cultura.

O curso da Aula da Música desenvolverase todos os luns, martes e xoves dende setembro de 2015 ata xuño do 2016.