Aberto o prazo para a presentación de solicitudes de uso patrocinado de instalacións deportivas

A Concellería de Cultura, Deporte e Coñecemento anuncia que desde hoxe, 1 de xullo, e até ás 13.30 horas do 15 de xullo de 2015, estará aberto o prazo para a presentación de solicitudes de uso patrocinado de instalacións deportivas para a tempada 2015-2016, do 1 de setembro de 2015 ao 30 de xuño de 2016. 

As solicitudes faranse empregando o modelo dispoñible na páxina web municipal coruna.es/deportes e deberán presentarse preferentemente a través de vía electrónica ou ben nos Rexistros de Entrada das instalacións deportivas municipais: C.D. Riazor, Polideportivo Barrio das Flores, C.D. La Torre, en calquera das oficinas do Rexistro Xeral de Entrada de Documentos do Concello ou en calquera outro lugar dos previstos na vixente Lei de Réxime Xurídico das Administracións Públicas e Procedemento Administrativo Común.

Así mesmo na devandita convocatoria tamén se regulan as condicións para o goce de tales usos e a forma de realizar peticións extraordinarias ao longo de toda a tempada.  Lembramos a ligazón para a consulta e descarga da información:  http://coruna.es/EODE