A Comisión Permanente da CEP nomea vicepresidentes e vogais do comité directivo

A Comisión Permanente da Confederación de Empresarios de Pontevedra (CEP) aprobou hoxe os nomeamentos de dous vicepresidentes e seis vocais do Comité Directivo, a proposta do presidente, Jorge Cebreiros Arce, tal e como establecen os Estatutos.

Javier Touza Touza, presidente da Cooperativa de Armadores de Vigo (ARVI), e Guillermo Pérez Aboy, presidente da Asociación Cluster do Granito, ocupan as dúas vicepresidencias de libre designación. Continúa vacante a Vicepresidencia de Industria, á espera de que se convoque a elección parcial polo que queda de mandato. 

Ademais, aprobouse a designación de seis dos sete posibles integrantes do Comité Directivo a proposta do Presidente: Gonzalo Figueiras Rey, presidente da Asociación Comarcal de Empresarios da Estrada; Camilo Alonso, vicepresidente da Asociación de Empresarios de Limpezas de Edificios de Pontevedra (Aelpo); David Campos Cortes, tesoureiro da Asociación de Empresarios do Deza (Aedeza); Álvaro Henrich, directivo da Federación Provincial de Hostalaría (Feprohos); Carmen Fernández Vilas, responsable de Relacións Externas de Mercadona en Galicia, e Manuel Falque, directivo da Asociación Galega de Emprendedorse (Agaemp). 

Na reunión de hoxe tamén se aprobaron por unanimidade as contas correspondentes ao exercicio 2014, así como o orzamento para o 2015 e o plan de actividades para este ano. 

Outra novidade foi a presentación do portal de transparencia da Confederacióncon no que a CEP pon a súa información de carácter económico e orzamentario a disposición dos cidadáns, mostrando o seu compromiso total coa transparencia da organización.