Enviar a un amigo
Opinar
ImprimirA analítica de auga realizada por Emafesa confirma o perfecto estado para o seu consumo
A analítica completa da auga da traída realizada por Emafesa, da mostra tomada o día 23 de xullo e co final do análise con data de 27 de xullo, confirmou que todos os valores se atopan nas marxes permitidas, corroborando así que “o estado da auga é correcto” e que está “en perfecto estado para o seu consumo”, segundo se explicou dende a concellería de Servizos.
A Concellería solicitou a Emafesa a realización dunha analítica completa da auga co obxectivo de tranquilizar á poboación, despois do problema que se produciu ante a presenza excesiva e puntual de trihalometanos.
A analítica correspóndese con mostras tomadas o día 23, que indican, como era previsible, que todos os valores están por debaixo dos mínimos, incluídos os de trihalometanos, que se sitúan inferiores aos 50, e en índices aínda moito menores cando se trata de tomas nas saídas da planta de potabilización. A analítica inclúe a análise de parámetros químicos, como a presenza de plomo ou arsénico, indicadores de potables e microbiolóxicos, e a metodoloxía realizada vai dende a espectrofotometría ata a cromatografía ou a electrometría.
En todo caso, o edil de Servizos, o socialista Bruno Díaz, explicou que se seguen a facer análises diarios dos valores de trihalometanos, que Emafesa remite de xeito diariamente tanto á Xunta de Galicia como ao Concello de Ferrol. Estas análises continuaranse facendo puntualmente, se ben a súa periodicidade irase disminuindo progresivamente, segundo se confirme de xeito permanente a reducción dos valores.
De momento, en todo caso, fixéronse purgas de distintos puntos da rede e dos depósitos da planta potabilizadora e mantense o tratamento da auga con dióxido de cloro, para continuar reducindo os niveis de trihalometanos.
O edil de Servizos clarificou, así mesmo, que a presenza de microcistinas na auga está por debaixo do límite establecido.
Doutra banda, incidiu en que Emafesa disporá dunha semana de prazo para ampliar o informe que xa ofreceu sobre a xestión da presenza elevada de trihalometanos, e resaltou que a empresa cumpriu o protocolo sanitario establecido, se ben á vista dos feitos acontecidos se está a elaborar un novo protocolo de actuación.
