Xulio Ferreiro insta á Xunta a solucionar os problemas de gastos estruturais da UDC

O alcalde da Coruña, Xulio Ferreiro, instou á Xunta de Galicia a “solucionar” os problemas económicos da Universidade da Coruña (UDC) por considerar que están vinculados con “gastos estruturais”. A preguntas dos xornalistas, no día en que o consello de goberno da UDC aprobou por unanimidade a necesidade dun plan de reestruturación económica, Ferreiro manifestou que “hai que asegurar que a UDC ten que ter os seus gastos estruturais garantidos”.

“E iso o que ten que solucionar a Xunta”, apostilou o rexedor, quen insistiu en que as achegas económicas deberían ser “para garantir” o financiamento da universidade. Mentres, este mércores o conselo de goberno da Universidade da Coruña aprobou, ademais da necesidade dun plan de reestruturación económica, retirar a proposta de fusións de facultades e centros.