Un total de 78 deportistas representarán a Pontevedra nos XI Xogos do Eixo Atlántico

O alcalde Miguel Anxo Fernández Lores recibiu esta mañá no Teatro Principal aos mozos que participarán entre o 5 e o 10 de xullo nos XI Xogos do Eixo Atlántico en Portugal. Serán 78 deportistas que se desplazarán até Matosinhos, Porto e Vila Nova de Gaia, onde se celebrarán os xogos nesta edición.

Os deportes nos que participará a delegación pontevedresa son:

• Fútbol 7 masculino

• Baloncesto feminino e masculino

• Balonmán masculino

• Voleibol feminino

• Atletismo feminino e masculino

• Atletismo adaptado feminino e masculino

Xunto aos deportistas (60 para competir en deportes colectivos e 18 para deportes individuais), viaxarán a Portugal 2 coordinadores municipais, 16 técnicos e 2 fisioterapeutas.