Showcooking do programa “Come o mar” en Caión

O Concello da Laracha, a Consellería do Medio Rural e do Mar e os Grupos de Acción Costeira organizan o showcooking (obradoiro gastronómico) que se desenvolverá durante o mediodía deste domingo a partir das 12:00 horas na praza Eduardo Vila Fano de Caión.

A actividade será unha das primeiras deste verá que se desenvolverán no marco do programa Come o mar, iniciativa que combina a gastronomía e o turismo mariñeiro na costa galega.

O showcooking consistirá nunha exhibición de cociña, de acceso libre e con aforo máximo de 40 persoas, na que os espectadores poderán interactuar co cociñeiro durante a produción de pratos elaborados con produtos do mar e, ao remate, degustalos. 

O programa Come o mar inclúe na súa web (www.comeomar.com) unha rede de restaurantes da costa galega nos que se ofertan menús orixinais e diferentes, elaborados con produtos do mar de primeira calidade de cada unha das zonas. Tamén propón unha ruta de tapas mariñeiras e informa sobre aloxamentos e paquetes turísticos.