Pape Cheikh foi convocado pola Selección Española Sub-19 para disputar o Campionato de Europa

O canteirán celeste Pape Cheikh foi convocado por Luís de la Fuente, adestrador da Selección Española Sub-19, para disputar o Campionato de Europa en Grecia. O céltico forma parte da lista definitiva de 18 xogadores que se medirán na fase de grupos a Alemaña (7 de xullo), Rusia (10 de xullo) e Holanda (13 de xullo).

Pape mantén a súa progresión no combinado nacional, do mesmo xeito que outros canteiráns celestes que tempada tras tempada son chamados polos seleccionadores nacionais. O RC Celta e a Fundación Celta continuarán traballando decididamente nun proxecto de canteira que sempre contou co imprescindible apoio da afección celeste.