Os Servizos Sociais de Vilagarcía publican a lista de bebés admitidos na escola infantil fóra de prazo

Os Servizos Sociais do Concello de Vilagarcía publicaron hoxe a lista de bebés admitidos fora de prazo na Escola Infantil Municipal para o vindeiro curso . Trátase das crianzas que naceron despois de ter rematado o prazo de reserva de praza e tamén outro que presentou a solicitude fóra de prazo e cuxa situación ven recollida no Regulamento de Réxime Interno do Centro. As familias deben formalizar a matrícula no prazo de 10 días.

A lista cos bebés admitidos e a lista de agarda pódese consultar no taboleiro de anuncios da web municipal. As familias dos nenos e nenas admitidos, dispoñen dun prazo de 10 días para formalizar a matrícula na propia Escola Infantil. De non facelo, perderían a praza que pasaría a ser cuberta polo seguinte neno da lista de agarda.