Os novos equipamentos do Celta estarán á venda o 1 de xullo

Os novos equipamentos Adidas do Celta para a tempada 2015/2016 estarán á venda a partir do mércores 1 de xullo na tenda do Celta en Balaídos, en www.tiendacelta.com  e en El Corte Inglés de Vigo. Tanto a primeira camiseta de xogo como a segunda terán un prezo de 65€, como vén sendo habitual nas últimas tempadas. Os abonados que presenten o seu carné gozarán dun desconto do 10% sobre o prezo final da súa compra. 

A tenda de Balaídos, que abre de luns a venres en horario de 10 a 14 e de 17 a 20h, permanecerá pechada este luns e martes para realizar labores de inventario.

Últimos días para abonarse con vantaxes especiais

O club anima a todos os afeccionados celtistas a tramitar o seu carné canto antes para aproveitar as vantaxes especiais da Campaña de Abonados, que finalizan o día 30 deste mes: desconto do 5% en todas as renovacións (acumulable a outros ata un 10%) e a exención de suplementos nos partidos designados como “Días do Club” tanto para renovacións como novas altas.