Os centros da Rede Municipal de Museos teñen novos horarios de verán

A Concellería de Cultura, Turismo, Xuventude e Promoción da Lingua, anuncia os novos horarios de verán dos museos municipais e que entran en vigor hoxe luns 1 de xuño e que estarán vixente ata o 12 de outubro.

O Centro de Interpretación da Muralla abrirá de luns a mércores de 11 a 13.30 e de 17 a 19.30 horas, de xoves a sábado de 11 a 19.30 e os domingos de 11 a 18 horas.

O Museo Interactivo da Historia de Lugo (MIHL) abrirá de martes a sábado en horario de 11 a 13 e de 17 a 20 horas e os domingo de 17 a 20 horas. 

A Domus do Mitreo, o Centro Arqueolóxico de San Roque e a Sala de Exposicións Porta Miñá abrirán de xoves a sábado de 11.30 a 13.30 e de 17 a 19 horas e os domingos de 11.30 a 13.30 horas. 

O novo horario na Casa dos Mosaicos entrará en funcionamento a parti do 16 de xuño e será o seguinte, de martes a sábado de 11 a 13.30 e de 16 a 19.30 e os domingos de 11 a 14 horas. 

En todos os centros da Rede Municipal de Museos a entrada é gratuíta.