Os alumnos do conservatorio de Vilagarcía despiden o curso cun multitudinario concerto no auditorio

O Conservatorio Profesional de Música celebra mañá mércores o concerto de fin de curso. Na actuación participara case a totalidade de alumnado do centro que para a ocasión interpretarán un variado repertorio vocal e instrumental. O concerto comeza ás sete da tarde no Auditorio e a entrada é libre e de balde.

Abriran o concerto un dúo de trombóns de alumnos do primeiro curso do grao elemental seguido do alumnado da materia de EVA do Grao Elemental e o Coro do Grao Profesional. O espectáculo continuará coa intervención de tres solistas de instrumento e os conxuntos de cordas e vento, para rematar coa actuación da Orquestra do Grao Profesional.

Este concerto ten coma obxectivo reunir a todos os membros da comunidade escolar do centro para despedir o curso, para que os alumnos poidan adquirir experiencia nas actuacións ante o público e amosar a súa evolución ante as súas familias dun xeito festivo e no que a música é a protagonista.