O xogador Adam Waczynski estará con Polonia no Eurobasket 2015

O xogador do Rio Natura Monbus Obradoiro, Adam Waczynski, foi incluído na selección absoluta da súa Polonia natal que disputará o Eurobasket 2015. Así, Waczynski xogará co combinado nacional de novo na competición europea disputada simultaneamente en Francia, Croacia, Alemaña e Letonia. O pasado verán, o beirado xa estivo na fase clasificatoria para a mesma, na cal foi un dos homes máis destacados da súa escuadra. Agora, encadrado no grupo A, tocaralle medirse a Israel, Rusia, Bosnia Herzegovina, Francia e Finlandia.

O tirador declarou sentirse “encantado de estar de novo na selección. Creo que o seleccionador, Mike Taylor, confía en min e así o demostra dándome a oportunidade de novo”. Deste europeo, o polaco espera “simplemente gozalo ao máximo. Non debemos pór presión extra nas nosas mentes se queremos precisamente que salga algo máis grande. Temos un equipo novo e ambicioso que quere mostrarse en Europa, así que simplemente competiremos ao máximo para facelo e dar a sorpresa”, explicou.