O grupo de goberno do Carballiño reparte as concellerías para este mandato

O alcalde do Carballiño Francisco Fumega diu a coñecer hoxe as funcións que desenrolarán cada un dos seus edis do grupo de goberno, nos vindeiros catro anos. Así o propio Fumega ademáis da alcaldía será o edil responsable da área de Urbanismo e de Servicios Públicos.

Seguindo a lista do grupo de goberno Manolo dacal asumirá as área de Deportes, Ocio e Dinamización Turística, co cal será o encargado da organización de eventos tan emblemáticos na vila como a Festa do Pulpo. Pola súa banda a número tres da lista, Érika Paz, será a edil de Medio Ambiente e Participacion Cidadá, mentres que Adolfo Nogueira dirixirá as concellalías de Personal, Tráfico, Seguridade e Promoción de Emprego, área esta na que se engloba comercio, hostelería, Industria, Turismo, termalismo e emprego.

Marina Ortega foi a edil escollida para dirixir as áreas de Servicios Sociais, Igualdade, benestar e Sanidade; mentres que Rosario González ocuparase da área de Medio Rural. Por último Diego Fernández será o responsable de Educación, Cultura, Xuventude e Normalización Lingüística, e Rita Soto a de Facenda, Economía, Administración e Transparencia.

O alcalde Francisco Fumega afirmaba que, ante todo, cada un dos edis asumirá as responsabilidades das áreas que lle corresponden, aunque o idea é a de traballar en conxunto e como grupo, para faclitar así que as cousas poidan sair adiante, co esforzo de todos, guiados pon un obxetivo común: O mellor para o futuro dos veciños e veciñas do Carballiño.