O equipo infantil masculino da Sociedade Ximnástica acode ao Campionato de España

Cando en outubro comezaron as Escolas Municipais de Atletismo da Sociedade Ximnástica de Pontevedra, pouco facía presaxiar que un equipo da Sociedade Ximnástica acudiría ao Campionato de España. Pero todo se deu moi ben, houbo continuidade no traballo do día a día e a Ximnástica conseguiu fai unhas datas o título de Campión galego, que practicamente lles cualificou para o Campionato de España e que confirmou días despois a Federación.

En Valladolid a competición desenvolverase durante o sábado pola tarde e o domingo pola mañá e os atletas competirán nas seguintes probas:

Antón Martínez en 80 metros, a substitución 5×80 metros e lanzamento de peso; Juan Carlos Pérez en 80 metros e a substitución 5×80 metros; Pedro Santos en mil metros e lanzamento de xavelina; Antón Paz en mil metros, a substitución 5×80 metros e salto de altura; Pablo Boleas en 80 metros valas e salto de altura; Pedro Fernández en 80 metros valas, a substitución 5×80 metros e salto de lonxitude; Antón Olmedo en salto de lonxitude e 2.000 metros marcha; Roi Surribas en lanzamento de xavelina e a substitución 5×80 metros e Álvaro Piñeiro en lanzamento de peso e 2.000 metros marcha.

Serán 30 os equipos que compitan e as posibilidades de subir ao podio son moi escasas, aínda así moi probablemente se logre algún bo resultado a nivel individual.

Será unha auténtica festa do atletismo infantil, con máis de medio milleiro de participantes de toda España.

Joselyn Brea, a incorporación número 401 da Sociedade Ximnástica, gañou en Silleda

Fai poucas datas o cadro de atletas da Sociedade Ximnástica viu aumentado o seu número coa incorporación da Triatleta Joselyn Brea, ás filas do seu equipo feminino. Foi a alta número 401 para a Sociedade, sen dúbida a tempada 2014/2015 está a ser a máis frutífera no número de atletas competindo coa camiseta da franxa azul.

A súa fichaxe chegou tarde para axudar ao equipo na súa participación na Final da 2ª División nacional feminina, unha espiña que seguro se sacará a próxima campaña.

Pero Joselyn non estivo quieta e xa se vestiu a indumentaria pontevedresa, na primeira carreira popular “Semana Verde de Galicia” celebrada en Silleda e que lle deu a primeira vitoria na que esperamos sexa unha longa frutífera relación co atletismo federado.

Non haberá que perderlla este sábado no Campionato de España de Triatlon Sprint que se celebra en Pontevedra.