O concelleiro do PP vigués Roberto Lagoa renuncia á súa acta

O número seis da candidatura do Partido Popular de Vigo, o avogado Roberto Lagoa, renunciou á súa acta de concelleira por “razóns profesionais e persoais”. Teresa Egerique, que ocupaba o oitavo posto na lista, tomará posesión no seu lugar. Lagoa comunicou este venres a súa decisión á candidata popular Elena Muñoz, a quen agradeceu a “confianza depositada” na súa persoa e explicou que “a atención a asuntos profesionais do seu despacho impediranlle render ao 100% no desempeño do cargo de concelleiro” como, ao seu xuízo, “require a situación actual”.

Respecto diso, Muñoz manifestou o seu “profundo respecto” pola decisión de Roberto Lagoa, ao que recoñeceu o seu “gran labor e as múltiples achegas do número seis da súa lista”, tanto nas comisións de traballo do partido, como na redacción do programa e na recente campaña electoral.

Con todo, Lagoa sinalou que o feito de abandonar a primeira liña do partido non significa que renuncie á militancia”. “Seguirei militando e prestando o meu apoio alí onde sexa necesario”, asegurou.

TERESA EGERIQUE

Teresa Egerique Mosquera, que tomará posesión como concelleira tras a renuncia de Roberto Lagoa, ocupou o número oito na lista do Partido Popular ás municipais. Doutora en Xornalismo pola Universidade de Vigo, foi profesora Asociada de Publicidade e Relacións Públicas na Facultade de ciencias Sociais de Pontevedra.

Desde 2010 é membro da Xunta local do Partido Popular en Vigo e, desde 2012, pertence ao comité executivo autonómico do PPdeG. Foi edil do grupo municipal do PP no último mandato.