O Centro Cultural Marcos Valcárcel acolle un curso de xestión sustentable de residuos

Do 1 ao 3 de xullo de 2015, o Centro Cultural Marcos Valcárcel da Deputación de Ourense,acollerá un curso de verán promovido pola Universidade Internacional Menéndez Pelayo e organizado por Sogama baixo o título “Xestión sustentable dos residuos: alternativas e eficiencia”. A iniciativa conta coa colaboración da Deputación Provincial e diríxese a estudantes universitarios, docentes, técnicos e profesionais do sector e, en xeral, calquera persoa interesada na temática. Relatores de alto nivel garanten un programa de calidade e prestixio.