publicidade hoxe

O C.P.A Gondomar érguese como o primeiro clasificado no Campionato Internacional de Grupos Show

PUBLICADO EN: Noticias de GaliciaDeportesGondomar
A-
A+

O grupo de 8 integrantes do C.P.A Gondomar debutou en Francia o día 6 e 7 de Xuño coa súa coreografía “ Cousa de Dous”, no Campionato Internacional de Grupos Show co que alcazaron o 1º posto. Isto dá continuidade á excelente tempada que este grupo de patinadoras alcanzou ata o momento.

Este campionato, deu dobre satisfación ao Club, porque a parte de facerse co 1º posto, outorgóuselle a David Figueroa, adestrador do C.P.A. Gondomar o trofeo ao mellor adestrador do campionato, entregado polas federacións dos distintos paises presentes.

Na súa curta traxectoria, desde o seu inicio, o C.P.A Gondomar, clasificou á maioría dos seus patinadores en postos de podium, e desde o Club “agradecen o labor levado a cabo polos pais, que son os que realmente custean os gastos das viaxes e desprazamentos, e que ven neste trofeo, a recompensa ao gran esforzo diario”, polo que sinalan que “seguiremos emocionando”, en próximos campionatos.

O Club pretenden seguir incrementando patinadores, pondo en práctica as escolas deportivas de cara ao verán, durante os meses de Xuño e Xullo, de onde parte a canteira do Club, estas actividades, están ligadas ao concello de Gondomar, a través da concellaría de Deportes, dirixida por Natalia Salgueiro (en funcións), a cal exalza “o gran labor, o esforzo diario, a boa coordinación, dedicación e perseveranza, que fai deste Club un referente de constancia e tesón”, “desde a Concellaría de Deportes sentímonos moi satisfeitos dos logros alcanzados ata o momento, deste e doutros Clubs que fan de Gondomar un referente no mundo do deporte”.

O C.P.A Gondomar, desprazará a Reus o día 3 e 4 de Xullo  a Miriam Pérez, Iria Boullosa e Denís Alonso, que competirán con aproximadamente 40 participantes no Campionato de España de categoría xuvenil.

9 de xuño de 2015 | 19:26 • Sen comentarios

Comentarios pechados.