O alcalde de Ourense reúnese co presidente do Centro Comercial Aberto Couto Centro

Jesús Vázquez na reunión con Julio Prol

O alcalde de Ourense, Jesús Vázquez, e a concelleira de Comercio, Ana Morenza, mantiveron esta mañá unha xuntanza no Concello co presidente da asociación Centro Comercial Aberto Couto Centro, Julio Prol, e a vicepresidenta Carmen Piña, aos que trasladaron a vontade do Concello de apoiar ao comercio local como elemento fundamental da economía ourensá e prestar a súa colaboración no desenvolvemento tanto do seu labor diario como de campañas como as da volta ao cole ou Nadal, entre outras, que se desenvolverán próximamente e supoñen un reto fundamental para o comercio ourensán.

O goberno municipal comunicou aos representantes da asociación empresarial a súa vontade de que o comercio sexa un área moi importante dentro da acción política municipal durante este mandato mantendo unha liña de colaboración coas asociacións que agrupan aos empresarios do sector na cidade.