Non acompañou a sorte á Sociedade Ximnástica no Campionato de España Xuvenil

A Sociedade Ximnástica de Pontevedra acudiu ao Campionato de España Xuvenil con remotas posibilidades de conseguir algunha medalla. Aínda que se tentou colocar algún atleta na final finalmente non puido ser e os dous atletas que acudiron a Cidade Real non pasaron das semifinais.

Ángel Vargas presentouse en dúas probas, os 100 metros e 200 metros; empezou moi ben e con 22.88 nas eliminatorias do dobre hectómetro, meteuse nas semifinais por postos. A continuación correu a primeira rolda do hectómetro pero con 11.49 non pasou á seguinte.

Xa nas semifinais de 200 metros, tería que correr en 22.60 para meterse no final pero os 22.92 que asinou, afastáronlle definitivamente dela.

A outra participante, Andrea Pais non puido baixar dos 13 segundos nas eliminatorias dos 100 metros femininos e con 13.17 quedou fóra das semifinais.

Talvez non sexa un gran resultado, pero o importante é chegar a un Campionato de España, do que a maioría de atletas quedan fóra.