Medio cento de veciños de Brión participaron nun xantar de despedida das actividades para maiores

Festa de clausura das actividades

Máis de medio cento de maiores de Brión participaron na festa de despedida do curso 2014-2015 das actividades para persoas maiores do Concello de Brión, que este ano reuniron a oitenta veciños e veciñas. A festa tivo lugar no centro social polivalente, cun xantar ao que seguiu un baile e unha posta de escena dunha coreografía montada polos alumnos e alumnas das clases de ximnasia para maiores. Así mesmo, onte domingo tamén se celebrou o derradeiro día de baile no polivalente, cunha gran afluencia de público e un gran brindis con sangría para refrescarse nunha tarde moi calurosa.