Máis de 400 padexeiros reuniranse en Verducido esta fin de semana

O Campionato Galego individual para as categorías júnior, sénior e cadete e tamén na modalidade paracanoe reunirá en Verducido a máis de catrocentos padexeiros. A competición iniciarase á primeira hora da mañá e terminará pola tarde. Disputaranse sobre as distancias de 1.000, 500 e 200 metros.

A cita é unha das máis importantes da tempada e á mesma acudirán todos os clubs galegos nunha competición que se presenta con case corenta regatas. A actividade terá o seu inicio ás nove e media da mañá coas primeiras regatas de veteranos. Pola mañá disputaranse as regatas de 1.000 metros e pola tarde as de 500 e 200 metros, en ambos os casos para as modalidades de kaiak e canoa.

Kaiak Tudense, As Torres Romaría Viquinga, Breogán do Grove, Ría de Betanzos, Cidade de Pontevedra, Poio Pescamar ou Naval de Pontevedra son algúns dos clubs que presentarán máis participantes na competición.