Máis de 3.000 familias solicitan achegas municipais en Vigo para aluguer, enerxía e alimentación

Coa entrega de 340 números para outras tantas peticións, pechou esta mañá o prazo de solicitude do Plan Extraordianario de Familias, dotado con 2 millóns de euros. Tal e como avanzou o rexedor, técnicos municipais estiman que o número de demandas superará finalmente as 3.000.

O alcalde anunciou que hoxe martes entregáronse 340 números para tramitar outras tantas solicitudes para o Plan Extraordinario de Axudas a familias. Deste xeito, e tendo en conta que onte se entregaron outras 420 peticións, os técnicos municipais estiman que a cifra final de demandas superará os tres mil, algo máis que o ano pasado. Estas cifras, dixo, poñen en relieve a necesidade de manter este programa nos próximos anos.

Ademais dos dous millóns de euros deste plan, o rexedor referiuse aos 650.000 euros das axudas de emerxencia social, medio millón para comedores sociais, 750.000 para o albergue, 1 millón de euros para atención a drogodependentes e máis de 2 millóns para bolsas de comedor escolar.