II Edición do Foro Empresa en Pontevedra

A Asociación de Xóvenes Empresarios de Pontevedra (AJE Pontevedra) e a Asociación de Empresarios da Pequena e Mediana Empresa (AEMPE) celebran o próximo 26 de xuño na capital das Rías Baixas a II Edición do Foro Empresa, un encontro que, unha vez máis, parte co obxectivo de promoverel desenvolvemento económico de Pontevedra.

O II Foro Empresa celébrase este venres 26 de xuño a partir das 13.30 horas no Parador Nacional de Turismo de Pontevedra e vai estar presidido pola presidenta do Instituto de Crédito Oficial (ICO), Irene Garrido, que terá unha intervención pública durante o transcurso do programa, do mesmo xeito que os responsables das entidades organizadoras, Lucía Pedroso (AJE) e José María Corujo (AEMPE).

A este segundo encontro da patronal pontevedresa están convidados máis de 100 responsables de empresas e entidades públicas e privadas de todos os ámbitos e sectores para impulsar a innovación, a competitividade e a internacionalización das firmas galegas.

O programa do Foro é o seguinte:

13,30 horas, reunión privada da invitada de honra coas principais asociacións empresariais e empresarios relevantes de Pontevedra e a súa comarca. Presentación dos integrantes do Foro.

14,00 horas, presentación do Foro Empresa Pontevedra

14,15 horas, intervención da pta. do Instituto de Crédito Oficial (ICO) Irene Garrido Valenzuela

14,35 horas, xantar

15,35 horas, coloquio

16,15 horas, clausura da xornada

16,15 horas, café networking

Éxito da primeira edición

O I Foro Empresa comezou a súa andaina baixo a organización de AJE Pontevedra e AEMPE nun acto que reuniu no Parador Nacional de Turismo da capital pontevedresa a unha ampla representación -preto dun centenar de persoas- do ámbito empresarial da cidade e a provincia. As dúas asociacións decidiron axuntar esforzos, hai uns meses, tras constatar que ambas estaban a traballar simultaneamente na constitución dun punto de encontro e referencia para as empresas, o que se materializou, tras un acordo e impulso común, no I Foro Empresa de Pontevedra.

Un evento que “aberto á participación de profesionais, empresarios e todo aquel que comparta os intereses do Foro” segundo explicou na súa inauguración José María Corujo e cuxo obxectivo é “dar un impulso ao desenvolvemento económico de Pontevedra e a comarca” como matizou Lucía Pedroso, unha das poucas mulleres que participaron en devandita ocasión.

Os responsables do Foro teñen previsto que este se celebre periodicamente, polo menos cada dous ou tres meses.

Entidade sen ánimo de lucro

A Asociación de Xóvenes Empresarios de Pontevedra (AJE Pontevedra) é unha entidade de carácter social, sen ánimo de lucro, fundada no ano 1989 por iniciativa dun grupo de persoas con inquietudes empresariais definidas ao redor dos mozos.

Está dirixida a empresarios novos, entendendo por tal aqueles cuxa idade non supera os 40 anos e que teñen radicada a súa empresa na provincia de Pontevedra, aínda que non é este o único colectivo que a integra xa que a entidade valora moi positivamente a experiencia e os valores que poden achegar os profesionais que levan máis tempo exercendo a súa actividade.

A finalidade principal de AJE Pontevedra é a de representar, xestionar e defender os intereses profesionais dos seus asociados, atendendo ás súas necesidades de información, formación e asesoramento, e obter sinerxías de ámbito empresarial, comercial ou doutra índole entre todos os asociados.

AJE Pontevedra está formada por 170 empresas de toda a provincia de entidades de multitude de sectores (servizos, comercio, restauración, turismo, construción…).