publicidade hoxe

Goza do Ulla percorreu o roteiro do Río Grande e dos Pescadores

PUBLICADO EN: Noticias de GaliciaBoqueixón
A-
A+
Participantes no roteiro

Participantes no roteiro

Na soleada mañá do pasado sábado 20 de xuño, realizouse no Concello de Boqueixón o roteiro do Río Grande e dos Pescadores  encadrado dentro do Programa de sendeirismo “Goza do Ulla 2015”.  

Sobre as 10:00h. da mañá sairon unhas 30 persoas participantes dispostas a percorrer os 9 500 metros  que separan a Capela de San Paio en Codeso e a Ponte Vella de Ledesma.

O roteiro permitíulles desfrutar de paisaxes de gran beleza natural que conforman esta zona ó carón do Ulla.

Entre outros, visitaron puntos de interese cultural como é a Capela de San Paio, enclave natural e arquitectónico de impresionante beleza, onde se pode desfrutar do río Pontillón que desembocará máis adiante no Ulla e dunha fervenza de 7m. de altura.

Na parte final, no roteiro dos Pescadores, ademáis de ser un tramo de Rede Natura do río Ulla, é ésta unha fermosa senda propia dos pescadores cunhas vistas de gran beleza e cun conxunto etnográfico importante. Alí puideron visitar a Igrexa de San Ramón, a Ponte Vella de Ledesma e as Ínsuas de Gres.

23 de xuño de 2015 | 18:34 • Sen comentarios

Comentarios pechados.