Deteñen en Vigo a un condutor que fuxiu tras provocar un accidente e que deu positivo no test de alcoholemia

Axentes da Policía Local de Vigo detiveron a un veciño da cidade, M.A.C.G., de 45 anos de idade e natural de Uruguai, como presunto autor de varios delitos contra a seguridade viaria, ao conducir baixo os efectos do alcol e de forma temeraria.

Segundo informaron fontes policiais, este condutor viuse implicado nun accidente sobre as 21.35 horas do luns na Avenida de Beiramar. A pesar de provocar a colisión, o home deuse á fuga, conducindo de forma temeraria, e foi finalmente interceptado pola Policía na zona de Navia.

Ao realizarlle a proba de alcoholemia, comprobouse que o resultado superaba o límite legal establecido. O home negouse a realizar un segundo test, e foi detido.