Despachos de billetes modernos e funcionais para a campaña #CrecemosXuntos do Celta

Con ilusión renovada, entusiasmo e o convencemento de gozar dun novo crecemento tras a espléndida tempada realizada polo equipo e a posta en marcha de proxectos históricos, o Real Club Celta lanza unha campaña de abonados que inclúe diversas novidades. Entre elas, a inauguración dos novos despachos de billetes, máis modernas, funcionais e ideadas para ofrecer unha mellor atención a abonados e afeccionados.

Todos os trámites relacionados coa campaña, tanto renovacións como altas, realízanse nestas novas instalacións, dotadas con moderna tecnoloxía, numerosas pantallas informativas e un amplo horario de atención ao público durante o mes de xuño: de luns a venres de 9.00 a 20.00 horas de maneira ininterrompida.

Hai ademais, un bo número de persoas destinadas á realización destes trámites co obxectivo de evitar colas e mellorar de maneira substancial a atención aos abonados que desexen renovar e aos afeccionados que queiran unirse á gran familia celeste.

A campaña de abonados para a ilusionante tempada 2015/2016 ofrece diversas vantaxes e descontos durante o mes de xuño tanto ás renovacións como ás novas altas.

O club mantén os prezos da pasada campaña coas mesmas categorías: adulto, sub-25, sub-15, maior de 65 anos e menor de 8. Neste último caso, os prezos para todas as bancadas son de 50 euros, cunha cota de alta de 45.