Charles desvincúlase do Real Club Celta

O Real Club Celta e o dianteiro Charles Dias chegaron a un acordo para a desvinculación do futbolista. O atacante brasileiro deixa un gran recordo no club e o celtismo tras dúas tempadas defendendo a camiseta celeste coa máxima entrega e profesionalidade.

Moitos dos goles do ariete quedaron na retina dos afeccionados célticos para sempre, así como o seu esforzo e competitividade en cada partido, calidades coas que se gañou o respecto e agarimo de todo o celtismo.

O Real Club Celta quere transmitir o seu agradecemento a Charles polo seu exemplar comportamento e total implicación durante a súa etapa no conxunto céltico, así como desexarlle un gran éxito no profesional e persoal.