Celébrase en Ferrol a III Xornada Eólica de Galicia

Mañá mércores, 3 de xuño celébrase a terceira edición da “Xornada Eólica en Galicia”, un evento que vén apoiado polo éxito das anteriores edicións, celebradas en Santiago e A Coruña. A xornada está organizada polo Ilustre Colexio Oficial de Enxeñeiros Industriais de Galicia (ICOIIG), o Cluster de Enerxías Renovables de Galicia (CLUERGAL) e a Asociación de Empresarios de Ferrolterra (AEF).

Na xornada intervirán Fernando Blanco Silva, delegado en Santiago do Colexio de Enxeñeiros Industriais, cunha introdución sobre as perspectivas do sector, e Nonito Aneiros, secretario de Cluergal, sobre a necesidade dun cluster sectorial en Galicia. Tras eles intervirán Vicente Diaz Casás, profesor da Universidade da Coruña, para presentar os retos da tecnoloxía offshore e José Ramón Franco, xerente da empresa local INTAF, con un relatorio sobre as estratexias de operación e mantemento. A xornada será presentada polo Decano do Colexio, Oriol Sarmiento Díez e o delegado na cidade, José Ramón López Vivero.

A xornada celébrase no local de Ferrol da Asociación de Enxeñeiros Industriais de Galicia (R/ Concepción Arenal, 22 Ferrol), o mércores 3 de xuño ás 19.00.